श्री वैद्यनाथ अष्टकम | Shri Vaidyanath Ashtakam Lyrics
Shri Vaidyanath Ashtakam:
वैद्यनाथाष्टकम्
श्रीरामसौमित्रिजटायुवेद षडाननादित्य कुजार्चिताय ।
श्रीनीलकण्ठाय दयामयाय श्रीवैद्यनाथाय नमःशिवाय ॥ १॥
गङ्गाप्रवाहेन्दु जटाधराय त्रिलोचनाय स्मर कालहन्त्रे ।
समस्त देवैरभिपूजिताय श्रीवैद्यनाथाय नमः शिवाय ॥ २॥
भक्तःप्रियाय त्रिपुरान्तकाय पिनाकिने दुष्टहराय नित्यम् ।
प्रत्यक्षलीलाय मनुष्यलोके श्रीवैद्यनाथाय नमः शिवाय ॥ ३॥
प्रभूतवातादि समस्तरोग प्रनाशकर्त्रे मुनिवन्दिताय ।
प्रभाकरेन्द्वग्नि विलोचनाय श्रीवैद्यनाथाय नमः शिवाय ॥ ४॥
वाक् श्रोत्र नेत्राङ्घ्रि विहीनजन्तोः वाक्श्रोत्रनेत्रांघ्रिसुखप्रदाय ।
कुष्ठादिसर्वोन्नतरोगहन्त्रे श्रीवैद्यनाथाय नमः शिवाय ॥ ५॥
वेदान्तवेद्याय जगन्मयाय योगीश्वरद्येय पदाम्बुजाय ।
त्रिमूर्तिरूपाय सहस्रनाम्ने श्रीवैद्यनाथाय नमः शिवाय ॥ ६॥
स्वतीर्थमृद्भस्मभृताङ्गभाजां पिशाचदुःखार्तिभयापहाय ।
आत्मस्वरूपाय शरीरभाजां श्रीवैद्यनाथाय नमः शिवाय ॥ ७॥
श्रीनीलकण्ठाय वृषध्वजाय स्रक्गन्ध भस्माद्यभिशोभिताय ।
सुपुत्रदारादि सुभाग्यदाय श्रीवैद्यनाथाय नमः शिवाय ॥ ८॥
वालाम्बिकेश वैद्येश भवरोगहरेति च ।
जपेन्नामत्रयं नित्यं महारोगनिवारणम् ॥ ९॥
॥ इति श्री वैद्यनाथाष्टकम् ॥
- शिव जी की आरती
- शिव चालीसा
- शिव स्तुति भजन
- शिव प्रातः स्मरण स्तोत्र
- शिव तांडव स्तोत्र
- महामृत्युंजय स्तोत्र
- द्वादश ज्योतिर्लिंग स्तोत्र
- श्री रुद्राष्टकम स्तोत्र
- शिव सहस्त्र नाम स्तोत्रम्
- शिव रक्षा स्तोत्रम
- श्री शिव हृदय स्तोत्र
- दारिद्र्य दहन शिव स्तोत्रम
- श्री महामृत्युञ्जय कवच
- श्री रुद्र कवचम्
- ब्रह्माण्ड विजय श्री शिव कवच
- अमोघ शिव कवच
- शिव मानस पुजा स्तोत्र
